متضامن مع مسلمي بورما

عبد الناصر و السادات و معاهدة السلام

شاهد بنفسك الفرق الشاسع بين الزعيم الوطني جمال عبد الناصر , و الخائن الجبان السادات
موقف كلا من عبد الناصر و السادات من السلام مع اسرائيل
قارنوا بين كلا الموقفين و الحال الذي وصلنا اليها اليوم ! هل حلت كامب ديفيد مشاكل الفلسطينين ؟ ام زادت العدو الصهيوني من القدرة علي البطش والارهاب بحق الابرياء ؟
هل استردت مصر سيناء بالفعل ؟ هل عادت الجولان لسوريا ؟
كلها اسئلة , تستطيع اجاباتها البسيطة الكشف عن وطنية و صدق رؤية ايا منهما
و لـكـم التعليـق في النهاية

Cruel leaders

Cruel leaders are replaced only to have new leaders turn cruel
El Che

المعارض_الممول حمدين صباحي#

#الاخوانجي اللي يقولك , #حمدين كان معارض ممول ايام مبارك , قول له :- 

هو #المعارض_الممول ثروته مش هتزيد عن #100_الف_جنية ؟؟

هو #المعارض_الممول كان هيفجر قضية تصدير #الغاز لاسرائيل ؟؟

هو #المعارض_الممول , كان احمد عز و بلطجية الوطني هيذبحوا اهل دائرته عشان يسقطوه في الانتخابات ؟؟

هو #المعارض_الممول كان هيعتقل 17 مرة في ظل النظام لحد ما اصيب بفيروس سي ؟؟

هو #المعارض_الممول كان هيشارك في تأسيس #الجمعية_الوطنية_للتغيير و #حركة_كفاية 

هو #المعارض_الممول كان هيتظاهر ضد #مشروع_التوريث , و يعلن تحديه للنظام و خوضه تجربة الانتخابات الرئاسية و لو كانت ضد المخلوع او ابنه ؟؟

هو #المعارض_الممول , كان النظام هيرفض حزبه بصورة رسمية عشان ميصرفش عليه و بالتالي يكسبه في صفه , زي ما كان بيعمل مع الباقي ؟؟

 هو #المعارض_الممول كان هايتوقفله ترخيص جريدة 7 سنين؟؟

 هو #المعارض_الممول كان هيبقى واقف يوم 25 فى بلطيم و يكسر مع المتظاهرين حاجز الأمن المركزى ؟؟

هو #المعارض_الممول كان هيسكن في شقة مقسطها علي عشرين سنة ؟!

هو #المعارض_الممول كان هيطلع في البرلمان يقول حكومة رأس المال اللي شردت المواطن المصري في الشارع ؟؟

هو #المعارض_الممول كان هينزل مع الفلاحين و يتظاهر عشان قانون العلاقة بين المالك و المستأجر , فيتم اعتقاله ؟؟

هو #المعارض_الممول كان هيرفض غزو العراق و يقود المظاهرات الغاضبة الي ان يتم اعتقاله ؟؟

هو #المعارض_الممول كان هيتحدي و يستفز النظام و يكسر الحصار المعمول ع الفلسطينين و يدخل القطاع و يقدملهم الدعم المادي و المعنوي ؟؟

هو #المعارض_الممول كان هيقوم بالدور الدبلوماسي اللي عجز رئيس دولته و وزير خارجيته و كل افراد السلك الدبلوماسي الرسمي بادائه تجاه ولاد بلده , افتكروا مين اللي حل مشكلة العمالة المصرية اللي سجنهم رجال صدام ؟؟

Local Direct Page Ad 2

مش لازم مرسي

 ع اساس ايه مرسي لازم يكسب ؟

الاخوان و الجمل

الاخواني اللي يقولك " الجماعة " لها دور كبير في الثورة , و لولا الاخوان مكنتش الثورة نجحت ! و يستشهد لك بدور شباب الجماعة في " موقعة الجمل " ,, دا شخص عقليته متختلفش كتير عن عقلية الاعلام الموجهة اللي بيصور ان مبارك شخص وطني ع اساس انه " صاحب الضربة الجوية الاولي " , و ان شفيق شخص نزيه ع اساس انه عمل " مطار القاهرة " ,, نظرية ( القرعة اللي بتتباهي بشعر اختها ) بالضبط

مهو لو حمار بيسمع الكلام دا وفكر يشغل دماغه لحظة واحدة قبل ما يهز راسه , كان فهم كم الاستخفاف و العته اللي في الهري دا

مبارك

اي رئيس لاركان حرب القوات الجوية في الوقت دا كان هينسب له فضل الضربة الجوية الاولي , يعني وجوده كان سد خانة , مش اكتر , و غيابه مكنش هيأثر , عشان اي طرطور مكانه كان هيؤدي الغرض و زيادة , دا احنا كمان مش هنقدر ننساله دوره في الضربة الجوية التانية (1)... و عجبي

شفيق

اي وزير للطيران المدني كان هيجي في الوقت دا كان هينسب له برضة فضل عمل المطار , لان الخطة كانت موضوعة مسبقا و الميزانية تم اقرارها بموافقة مجلس الشعب , يعني وجوده من عدمه مكنش هيؤثر ع حاجة , دا بالعكس , تقدر تشوف لمساته السحرية في وصول المطار الي المرتبة الثالثة علي مستوي افريقيا ! بعد مطار اثيوبيا ! و الانكي انه بعض الدراسات العالمية صنفته ضمن اسوء 10 مطارات ع مستوي العالم , نظراً للكم المهول من الديون اللي غرقان فيها (2) ... وعجبي

الاخوان

اي قوي سياسية كانت هتتسيد الشارع في الوقت دا كانت هتقوم بنفس الدور اللي قام به الاخوان من الدفاع عن النفس ع الاقل , مش معقول هيكونوا في الميدان و بيتهاجموا و يفضلوا مستنين اجلهم ! يبئا فين الفضل في كدا ؟ الفضل الحقيقي يرجع للشباب اللي نزل التحرير من 25 و اعتصم في الميدان , مش كان بيمالئ النظام و رفض النزول لعدم توافق مطالب الثورة لهواه الشخصي ( عيش حرية كرامة انسانية ) لكن لما القيادات اعتقلت في 27 نزل الميدان تاني عشان القيادات , فرق كبير بين اللي يثور عشان شعب , و اللي يثور عشان جماعة , و الاهم من دا كله دور الجماعة في اجهاض الثورة بالاشتراك مع المجلس العسكري و تخاذلهم عن استكمال مسيرة الثورة و بيع الثوار و دمائهم واعراضهم من اجل الانقضاض ع الكراسي ! .. و عجبي

1

صباح اون : من جرائم مبارك .. الضربة الجوية الثانية

اللواء طيار محمد زكى عكاشة: إلغاء «مبارك» الضربة الجوية الثانية تسبب فى مذبحة الهليكوبتر

اللواء محمد عكاشة يكشف أكذوبة صاحب الضربة الجوية الأولى

2

تصنيف مطار القاهرة عالمياً = صفر

لبسناه بدل اخترناه

سبق و لحن الموسيقار المبدع " عمار الشريعي " اوبريت ( اخترناه ) للمخلوع منذ ما يقرب من العقدين من الزمان - اضغط هنا للمشاهدة -  و طبعا اشترك في غنائه كتير من الفنانين اللي تنصلوا تماما من صلتهم بالمخلوع و نظامه بعد الثورة و قالوا ان عمرهم ما أيدوا النظام ! و لا حتي بفنهم ! , ع العموم مبارك كان شئ و لبسناه 30 سنة , مش المشكلة دلوقتي احنا ( اخترناه و لا لبسناه ) لان البكاء ع اللبن المسكوب درب من دروب الغباء و العته خاصة في اللعبة السياسية , يكفي ان تتعلم من 

دروس الماضي الاليم في واقعك و حاضرك العسر 

" هناك شيئان لا حدود لهما الكون و الغباء "

الفباء هو فعل نفس الشئ مرتين بنفس الاسلوب ونفس الخطوات مع انتظار نتائج مختلفة " , اينشتين

صدقت آ-ساحبي , كأنه كان عايش هنا في مصر , و شاف تاريخ و واقع الجماعة المحظورة و موقف شعبنا الشريف منها ! احنا مش مصممين نكرر نفس الغلطة , دا احنا اثبتنا اننا مصممين منغلطش غلطة تانية اصلا

في الوقت اللي العسكري بيقود فيه الثورة المضادة بدهاء و حنكة سياسية علي اعلي مستوي و اعلن الانقلاب الكامل علي الشرعية بكافة اشكالها , و استمرار مسلسل " الخوازيق الناعمة" اللي بيخرجه المجلس و بيؤدي دور البطولة فيه الجماعة بالتعاون مع القوي السياسية المتكالبة علي الكراسي ! و طبعا المنتج للهرج دا كله هو الشعب الغلبان المقهور ع امره اللي بيتكبد كل الخساير الاقتصادية دي من مخزونه الاستراتيجي اللي اصبحنا محتاجين ميكروسكوب الكتروني عشان نطمن عليه ! , المشكلة دلوقتي ان الحلقة الاكثر اثارة من هذا المسلسل و التي من الغباء اعتبارها الاخيرة , قد بدأت بالفعل ! المشكلة مش في انها بدأت , المشكلةان الابطال ما زالوا مصممين علي تقديم نفس الاداء التي سئمناها و عدم مقاومة الخازوق القادم , فالتكالب ع الكراسي عندهم اهم بكتير من اتقاء شر خازوق واحد , يكتبه لهم التاريخ حتي

العجيب الغريب بئا ان الخازوق المقدم حالياً , لا يختلف كثيراً عن خازوق الحلقة السابقة , يعني لولا اختلاف الازمان و المواقف لكنت اعتبرتها تكملة للحلقة السابقة , و دا يؤكد لنا انهم خلاص اعتادوا المسألة و بئوا يتكيفوا منها اوي , من كام يوم اتفجعوا بحكم المحكمة اللادستورية العليا " بحل البرلمان " و دا معناه انهم لبسوا الكام مليار جنية اللي اتدفعوا في الكراسي اللي حصلوا عليها , و دا معناه برضه انهم هيدفعوا تاني و دعاية تاني و رشاوي تاني و تموين تاني وكأنك يا ابو زيد ما غزيت , طب و احنا مالنا ؟ مش هم اللي عايزين كدا , ذنبنا احنا ايه نسمح للعسكري يمد الفترة الانتقالية كل دا , و ذنبنا ايه ندفع مليار و 600 مليون من مخزوننا الاستراتيجي تاني عشان الانتخابات ؟

طبعا , بعيدا عن الولولة ع الفلوس والاداء الاعلامي الهابط بتاع برامج التوك شو , فالمشكلة الحقيقية كانت تكمن في دهاء المخرج ( العسكري ) و طمع و غباء الابطال ( الجماعة و اعوانها ) .. هم اللي ارتضوا بتعديل قوانين الانتخابات ع هذا النحو وهم اللي انتهكوا الاعراف الديمقراطية و جاروا علي حق المستقلين ( في التلت الفردي ) و نزلوا مرشحيهم المجلببين الحزبيين كمستقلين ! , معرفتكش انا كدا ؟

كل التهريج الدستوري دا سمح للعسكري يلبسنا الحكم المحترم اياه ! طيب حصل خير , مش نتعلم بئا ؟

البرلمان كان غير دستوري , و دا اللي سمح للعسكري يحله في الوقت اللي عايزه

و كان في نفس الوقت بدون صلاحيات , و دا اللي خلاه برلمان غير مأسوف عليه

يبئا المفروض كنا نعمل   لكل الهرج دا , و نصر ع الدستور اولاً , عشان يبئا في عندنا مانح الشرعيات للمؤسسات المنتخبة فيما بعد سواء رئيس جمهورية او برلمان ,  عشان نكون خلصنا من مسمار جحا بتاع العسكري ( عدم الدستورية ) ! و مسمار جحا بتاع الشارع ( عدم الصلاحيات ) .. لكن نقول ايه ؟

و طبعا بعد ما بدأت الحلقة الجديدة بتنصيب ( مسمار جحا العسكري ) اللي هو  الاعلان الدستوري المكمل اللي سلب صلاحيات الرئيس المنتخب ( رأس السلطة التنفيذية ) , فنقدر نقول مبدئيا مبروك للجماعة : السخط  الشعبي اللي هينالوه جراء عجزهم عن الاداء بابسط و اولي تعهداتهم ! و مبروك للعسكري ع خازوق المرة دي اللي ضربه للقوي الثورية المدنية , اللي اتحطوا في اسهل امتحاناتهم ( من وجهة نظري ) لكنه الاصعب من وجهة نظر الشارع , هل هيتورطوا في معركة ( انتزاع صلاحيات رأس السلطة التنفيذية من العسكري ) ؟ ام هيدخلوا معركة ( الدستور الدائم مع العسكري ) ؟ كدا كدا ,اصبح محتم عليهم مصارعة العسكري , فهل هيصارعوه عشان صلاحيات طرطور الجماعة , اللي كدا كدا عمره الافتراضي 4 سنين كحد اقصي , و لا هيصارعوا عشان الدستور (  هدف اهداف الثورة ) اللي عمره الافتراضي بيزيد عن القرن ! مظنش ان الموضوع محتاج تفكير عميق , خاصة ان الكل اصبح عارف و متاكد من ان العسكري نفسه طويل , و في نفس الوقت يقدر يمنح للرئيس المنتخب الصلاحيات كاملة , بدون ما هو نفسه يتضرر و لا يتأثر كمؤسسة مستقلة , لكن من مصلحته انه يجر القوي الثورية لمعركة الصلاحيات التافهة , عشان يكون ضرب عصفورين بحجر , 1- خلي الجماعة تكسب سخط الشارع المصدوم في تعهداتهم اللي عجزوا عن تحقيقها ! و بالتالي يعتبر اغتال الجماعة سياسياً 2- قدر يستفرد بطبخ الدستور الدائم بمزاج و قدر يكون دولة جوا الدولة , و معلش كدا كل ثورة و انتوا طيبين , لا هيبئا في مدنية و لا دينية , هتفضل دائما و ابدا عسكرية

و ع فكرة , حتي لو افترضنا اننا قدرنا ننتزع منه صلاحيات الرئيس المنتخب كاملة ( و شوفوا دا هيحصل بعد اد ايه ؟ ) , فهو برضة هيلبسنا بصلاحياته الدستورية اللي هيضمنها في الدستور اللي هيطبخه من ورانا , اثناء تصارعنا ع العظم و هو غرقان في السيمون فيميه ! , و مش بعيد يعتمد برضة ع الشحن و الاستقطاب الديني ( زي خازوق استفتاء 19 مارس ) عشان القوي الدينية تساعده في توجيه الشارع للموافقة ع الدستور اللي بيخزوق القوي الدينية ! و ع فكرة , مش عايز حد يتسغرب , دول اغبياء و يعملوها , عادي جدا

اخيرا , كلمتي الآن موجهة للقوي الثورية المفترض انها وطنية اولا و اخيرا

اي المعركتين , سندخــــل ؟

معركة صلاحيات المرشد ؟ ام معركة دستور مصر الدائم ؟

رسالتي إلي د. مرسي

بصراحة لم أجد ابلغ من كلمات اغنية ( رسالة إلي القادم منا ) , ارسل بها للدكتور محمد مرسي ( وشهرته الاستبن ) .. , بعد التحية و الذي منه

 انذار للقادم منا

لا تعبث , فالعبث خطير

مصر , سنفديها لن نيأس

مهما صار و كيف يصير

لن نسكت ابدا و لدينا

يوم الجمعة و التحرير

عمرو قطامش & وائل عامر - رسالة إلي القادم منا

رسالة إلي الجماعة

رسالة الي الجماعة , بتاريخ اليوم

الجمعة , 15-6-2012

بعد ان بات واضحاً للجميع ... ان العسكر هم النظام الحقيقي ... وان القضاء ما هو الا هيئة تابعة للنظام ... اذن , ما الذي يمنعكم من الخروج - بشرف - من هذة المسرحية الهزلية المفضوحة قبل فوات الآوان ؟ 

كفاكم تورطاً , الا تستقيموا و تكذبوا المدعين عليكم بالانتهازية و الميكافيلية ؟!

و ان كنتم تتوهمون ان معركة الصناديق ستكون نزيهة تحت اشراف قضاء العسكر و النظام ! فانتم اغبياء واهمون ... لن تجدوا لكم مكاناً في صفوف الثوار مرة اخري !

و ان افترضنا معكم الافتراض المستحيل .. بان القضاء سيكون نزيهاً .. و ان المرسي سيفوز ! الا يستطيع ان يعزله بعد اشهر او ربما اسابيع كما فعل مع مجلسكم الموقر الخالي من الصلاحيات الذي كبرتم به و هللتم له علي حساب ارواح و دماء و اعراض الشباب !

طبعا .. الاخوان .. مصلحتك اولاً ! شكراً !

انا لما هنزل الميدان ضد شفيق .. ههتف ضد النظام و الفلول .. سواء فلول الوطني او فلول الجماعة .

صفوت حجازي : اللي مش عاجبه الاخوان يسيب البلد

ديمقراطية الاخوان

صفوت حجازي : اللي مش عاجبه الاسلاميين يسيب البلد

الفشيق : سني يمنعني من الترشح للرئاسة

الفشيق : سني يمنعني من الترشح للرئاسة

التحريض الاعلامي القبطي لصالح الفشيق

شاهد بنفسك .. و احكم
التحريض الذي يمارسه الاعلام القبطي الموجه لصالح الفشيق , قناة مارمرقس القبطية تعرض اعلانا بهدف التوعية السياسية , تبث من خلاله بعض الافكار المسممة الموجهة لصالح شفيق

لاحظ بنفسك ( جي جي ) ,, لما كانت بتقول اسماء مرشحي الاعادة , رفعت اصبعها اللي بالحبر الفوسفوري و هي بتقول اسم شفيق ! في حين معملتش كدا مع مرسي

شوفتوا بئا التحريض و الاعلام الموجه ؟
#ايموشن_عمرو_مصطفي
#مخططات_خارجية
#طرف_ثالث

فيديو الحلقة الكاملة

شفيق يتحدي مرجان احمد مرجان

شفيق في مواجهة مرجان ... مواجهة الموسم

البلتاجي : الرويني طلب من المخلوع يلم الشراميط بتوعه

الاناء ينضح بما فيه

اكتر من كدا .. هنغرق فيه

علي ونيس : الاسلاميين هم الاسلام

عندما يصبح الدين سلعة للاتجار و المزايدة

الفاشية الدينية

المرشد : احذروا الشاطر فدعوته مستجابة

احذروا الشاطر فدعوته مستجابة

و اللي يجي ع الـ... (شاطر ) ... ميكسبش

الاستبن : ستزيد مياه النيل بالدعاء

الاسطورة يتحدث : مياه النيل ستزيد بالدعاء

المرشد العام : اخشي علي مصر من رئيس اسلامي

المرشد العام لجماعة الاخوان المسلمين " محمد بديع " في لقاء مع وائل الابراشي يوم 20-1-2012 , برنامج الحقيقة , علي قناة دريم 2

و تصريحات في منتهي الخطورة ... :

- اخشي علي مصر من رئيس محسوب علي التيار الاسلامي ... ليس فقط من الاخوان المسلمين !

- لن نؤيد د. ابو الفتوح لانه خالف قرار الجماعة

- ما يحدث في فلسطين جراء تسيد حماس المشهد هناك , يدعونا لدعم رئيس توافقي و ليس من التيار الاسلامي

- مصر ستستهدف اذا فاز مرشح اسلامي بالرئاسة !

اشهد يا زمان !