رباعيات صلاح جاهين (8)

رباعيات صلاح جاهين - الحلقة 8

ازاي شبابنا يقوم و ياخد دوره

من غير صراخ يئذيه و يجرح زوره

يا هلتري أحسن له يقعد ساكت

أو ينترك و لو خرج عن طوره ؟

عجبي !

رباعيات صلاح جاهين (7)

رباعيات صلاح جاهين - الحلقة 7

النهد زي الفهد نط اندلع

قلبي انهبش بين الضلوع و انخلع

ياللي نهيت البنت عن فعلها

قول للطبيعة كمان تبطل دلع

عجبي !

رباعيات صلاح جاهين (6)

رباعيات صلاح جاهين - الحلقة 6

الدنيا أوده كبيرة للانتظار

فيها ابن آدم زيه زي الحمار

الهم واحد .. و الملل مشترك

و مفيش حمار بيحاول الانتحار

عجبي !

شط بحور - كشكول باند | Shat B7or - Kashkool Band

اغنية "شط بحور" لـ "كشكول باند"

مقدرش انسي .. وانا عندي من السنوات خمسة

البنت اللي اسمها شط بحور وطيور البحر علي المرسي

وتمر سنين والقلب مع الوقت بيقسي

بس الودعة في جيبي لسة .. اللي ادتهالي شط بحور

رباعيات صلاح جاهين (5)

رباعيات صلاح جاهين - الحلقة 5

أنا كل يوم أسمع .. فلان عذبوه

أسرح في بغداد والجزاير واتوه

ما عجبش م اللي يطيق بجسمه العذاب

واعجب من اللي يطيق يعذب اخوه

عجبي !

رباعيات صلاح جاهين (4)

رباعيات صلاح جاهين - الحلقة 4

أنا قلبي كان شخشخية أصبح جرس

جلجلت بُه صحيوا الخدم والحرس

أنا المهرج .. قمتو ليه خفتو ليه ؟!

لافِ إيدي سيف ولا تحت مني فرس

عجبي !

رباعيات صلاح جاهين (3)

رباعيات صلاح جاهين - حلقة 3

سَهّير ليالي وياما لفيت وطفت

وف ليلة راجع في الضلام قمت شفت

الخوف .. كأنه كلب سدّ الطريق

وكنت عاوز أقتله .. بس خوفت

عجبي !