كلمات: أحمد حداد
ألحان: شادي مؤنس
غناء: محمد محسن
خلي القمر طالع كمان وكمان
خلي النجوم والعة في كل مكان
مهما تلَيل اوعي تتاوبي
ده انا قلبي لسه بالغنا مليان
في المغربية المشي غيَّة
على شط بحر نسايمه حنية
قلبي اترعش من بنت خمرية
من كتر ناري و نشوتي بردان
الفضفضة وسط الفضا راحة
والوشوشة في الودن بالراحة
كلمة بحبك طالعة بصراحة
آه من حلاوة طعمها يا لسان
آه من عينيكي المجرمة وصوتك
والابتسامة الباينة في سكوتك
باقي الكلام عمره ما هيفوتك
ده كلام في قلب الجن والإنسان
No comments:
Post a Comment