ليه مينفعش انتخب غير حمدين صباحي ؟
الفرق بين حمدين و غيره من المرشحين
حمدين المرشح الوحيد اللي نزل مع الشباب في التحرير يوم 25 يناير -
كان فين الاستبن و الجزمة , اليوم دا ؟ #
! الاستبن : كان زي الطرطور راقد ع البيض في مكتب الارشاد لانه ميقدرش يخالف اوامر المرشد
! الجزمة : كان باختصار , من اعضاء الحكومة اللي كان اول مطلب للشباب اسقاطها
حمدين المرشح الوحيد اللي اعتقل 17 مرة .. عشان العدالة الاجتماعية .. عشان الفقراء و الفلاحين -
ايه وضع الاستبن و الجزمة من الاعتقال ؟ #
الجزمة : و لا عمره يعرف يعني ايه معتقل ... هو يسمع الاسم بس تقريبا
حمدين ابوه الحاج عبد العاطي فلاح بسيط , و له من الاشقاء 11 ! هو الوحيد اللي واصل تعليمه العالي -
- حمدين انتخب بارادة شعبية حرة نزيهة لدخول مجلس الشعب ليكون سند للفقراء و صوت لهم , رغم محاولات كلاب الوطني و الداخلية اسقاطه ... لكن فلاحين بلطيم و البرلس الجدعان ارتضوا يموتوا ع الصناديق عشان ابنهم يوصل المجلس و يعبر عنهم و كان التمن دمهم و اعتقال بعضهم !
حمدين اول مرشح اقر ذمته المالية علناً ... و طلع كل اللي يمتلكه لا يتعدي الـ 100 الف جنية , و بيدير حملته باموال تبرعات المتطوعين من الشباب و اهالي الشهداء و المصابين و مؤيديه باختلاف طوائفهم و طبقاتهم , و هي اقل الحملات صرفا مقارنة بما جمعته من اصوات !
#الاستبن : كله من فلوس الجماعة , و ربنا يزيد و يبارك , مواد تموينية تلاقي , لحوم تلاقي , انابيب غاز تلاقي , مؤتمرات تلاقي , اتوبيسات تلاقي , مواد دعائية ببذخ تلاقي ,,, انا مش بحسد انا بقر بس ع الـ100 مليون اللي سمعت انهم مخصصين لتمويل الحملة , و الله اعلم بالباقي
#الجزمة : كله من فلوس الوطني المنحل , اللي بيمثل له الامل في الرجوع , و طبعا الفلوس دي فلوسنا احنا , اللي بيعمل بها دعاية عشان يخدع البسطاء فيه و يبيعوا دمهم و دم ولادهم . دا ابليس هيجي يتعلم منك !
حمدين هو رمانة الميزان الوحيد المناسب للفترة القادمة .. حيث ان فوز الاستبن او الجزمة سيكرس للحزب الوطني و سيطرة التيار الواحد و الاحتكار السياسي مرة اخري ... شفيق ممثل الوطني المنحل الحالم بالعودة ! مرسي ممثل الوطني الانتهازي الحالم بالصعود ! كلاهما رأسماليين سيقوم حكمهم ع عظام و دماء البسطاء من هذا الشعب لمصلحة الفئة اللي دايما منفضانا
مش محتاج اقولكوا برضة ان الجزمة كان سافك دم ... و الاستبن عاونه و استهان بحرمته عشان مصالح جماعته
كل دي اسباب و اكتر تخليني انتخب حمدين صباحي و اناصره لحد اخر يوم في عمري كمرشح الثورة الحقيقي ... مش فل هدفه قتل
ثورتنا و لا انتهازي ملوش غير مصلحته !
عمري ما هقبل يكون صوتي لاستبن او جزمة ... عشان ثورتي يبئا لها لازمة
عيش .. حرية .. كرامة انسانية
حمدين "بيدير حملته باموال تبرعات المتطوعين من الشباب و اهالي الشهداء والمصابين ومؤيديه" !!!!??? ازاى ؟؟ تبرعات من شباب متطوع !!؟؟ يعملو كام ؟؟ يعنى الشباب المتطوع ده معاه فلوس دلوقتى تكفى لحملة انتخابات رئاسة ؟؟؟ ولا أهالى الشهداء والمصابين !!؟؟ بقى الكلام ده معقول !!؟؟؟ أهالى الشهداء والمصابين !!! معاهم فلوس وكمان يتبرعو بها !!؟؟؟ يعنى كل اللى بيعملوه فى الإعتصامات والمظاهرات وفى برامج التليفزيون وفى المحاكمات تمثيل فى تمثيل ، عمالين يعيطو ويقولو تعويضات وحقوق الشهداء والمصابين، والحكومة بخيبتها عملت لهم صندوق باسم الشهداء وكمان حسابات بالبنوك ليقوم الشعب الغلبان بالتبرع لأهالى الشهداء والمصابين فيها ... وكمان المصابين بيتعالجو على نفقة الدولة فى مصر وخارجها !!!! ،،،،، ده احنا طلعنا مغفلين بشكل ...
ReplyDeleteيبقى اهالى الشهداء والمصابين معاهم فلوس تدير حملة انتخابات رئاسية واحنا بخيبتنا عمالين نهاجم المجلس العسكرى والحكومة علشان يدفعو لهم تعويضات محترمة !!؟؟
والشباب المتطوع ده اللى معاه فلوس ايضاً لنفس الهدف .. مش عارف يلم من بعضه ويعملو شركة او مشروع كبير بالفلوس دى ويشغلو نفسهم فيه !!؟؟؟ بدل التلطيع فى الميادين والشوارع فى انتظار ان تقوم الحكومة بنثر الدولارات عليهم وان توظفهم فى مناصب محترمة ...
اتقو الله فيما تقولون
على فكرة انا اكره مرسى وكل الإخوان المسلمين .. لأنهم منافقين وبتوع مصلحتهم فقط، وايضاً باقى التيار الإسلامى لا يصلح لإدارة البلد لإفتقادهم للكفاءات ولإنحراف تفكيرهم عن الإتجاهات الحديثة فى الشئون الإقتصادية والإجتماعية .. وكل ما يهمهم أو كما يزعمون هى "شريعة قطع يد السارق ورجم الزانى" دون ان يوفروا العمل ومقومات الحياة للإنسان حتى يمكنهم محاسبته على السرقة
اما الفريق شفيق ... فأنا أراه لا يصلح كرئيس وزراء وبالتالى فمكن المؤكد لا يصلح لرئاسة مصر لإفتقاده الكثير من المقومات الشخصية من أهمها الحزم والشدة عند اتخاذ القرار .. فهو يحاول ان يرضى كافة الأطراف ويحاول اقناع المعارضين له بالمنطق وللأسف فإن المعارضين فى مصر لا يستمعون ويتمسكو برفض كل ما يصدر عن الشخص المعترض عليه... وللأسف ايضاً انه مؤدب ويتميز بالذوق فى الحديث مع اى انسان ويتعامل باحترام مع الغنى والفقير والكبير والصغير والجاهل والعالم والنساء والرجال والنكرة والعلم ... وهذا غير مناسب للنوعية التى ظهرت على سطح الثورة .. او كما يقال عنهم "النخبة" لأن معظمهم رعاع ويعانون من احساسهم بالنقص فى التعامل مع الشخصيات المهمة ورجال الدولة ... لذلك فهو لا يصلح لمنصب رئيس الجمهورية ..... ولكن ليس كما ادعيت اعلاه انه "احد اعضاء الحكومة التى كان اول مطلب للشباب اسقاطها" فانه لم يكن فى حسبان اى من خرج لإسقاط النظام فكلنا نعرف الذين قامت الثورة ضدهم بالأسم ... فلا داعى للكذب حتى نستوفى مبررات الرفض .. فكلما كان الرفض لأسباب موضوعية ومنطقية كلما كان الرفض مقبولاً ومنطقى ايضاً ...... فشفيق لم يكن عضو بالحزب الواطى المنحل ولم يكن وزيراً لأحد الوزارات الحساسة سياسياً وليس من أذناب النظام الذين شاركو فى قمع الحريات او سرقة الشعب او حتى اهانة كرامة المصريين أو المشاركة فى تزوير ارادتهم ... واظن ان تلك هى المبررات الحقيقية التى قامت الثورة من اجلها "عيش-حرية-عدالة اجتماعية"
فان كنا نرفض شخصاً فلنرفضه لأسباب موضوعية وليس لشكله او لطباعه الخاصة ... ولاحظ اننى لم اذكر انه رجل عسكرى او بطل من ابطال اكتوبر
ولا داعى لأن نرمى الناس بألفاظ أو شتائم ليس لها داعى ولا تعنى شيئاً
وفى النهاية احب ان اقول "اتق الله حيثما كنت" و"حب لأخيك ما تحب لنفسك"
انا شخصيا كنت متطوع في حملة حمدين .. مصادر تمويل الحملة هي بالضبط كالتالي .. حزب الكرامة , المؤيدين الميسورين من التيار الناصري , المؤيدين الميسورين لشخص السيد حمدين صباحي نفسه , و دول منهم اهالي شهداء ( مش كل الشهداء من عائلات تحت خط الفقر علي فكرة ) دا غير اللي احنا كشباب متطوعين كنا بنساهم به من جيوبنا ,, و خلي بالك , ان حملة حمدين كانت من اقل 3 حملات فيها صرف ايام الانتخابات الرئاسية !
ReplyDeleteانا بتكلم عن واقع عيشته بنفسي , مش كلام اتقال لي و بردده